Joriy yilning 10-iyul kuni Xalq deputatlari Payariq tumani Kengashi deputati Nurmanova Moxichexra 22-Davlat maktabgacha ta’lim tashkiloti (DMTT) hodimlari bilan uchrashuv o‘tkazdi.Tadbirda tuman maktabgacha ta’lim tizimi vakillari, tarbiyachilar, metodistlar va soha mutaxassislari ishtirok etdi.

Uchrashuvning asosiy maqsadi – maktabgacha ta’lim tizimida yuzaga kelayotgan dolzarb muammolarni muhokama qilish va ularni hal qilish yo‘llarini izlash edi. Deputat o‘z nutqida so‘nggi yillarda davlat tomonidan maktabgacha ta’limga qaratilayotgan e’tibor haqida so‘z yuritdi va bu boradagi ijobiy o‘zgarishlarni ta’kidladi. Shuningdek, deputat ta’lim muassasalarining moddiy-texnik bazasini mustahkamlash va o‘qituvchilarni qo‘llab-quvvatlash borasidagi amaliy chora-tadbirlar haqida ham ma’lumot berdi. 

Tadbir davomida ishtirokchilar o‘zlarini qiziqtirgan savollar bilan chiqish qildilar. Jumladan, moddiy-texnik bazani mustahkamlash, o‘quv-metodik qo‘llanmalar bilan ta’minot, ish haqi masalasi, bolalar sonining ko‘payishi bilan bog‘liq holatlar muhokama qilindi. 

Uchrashuv so‘ngida DMTT xodimlari ushbu muloqot uchun o‘z minnatdorSliklarini bildirib, deputatning joylarda xalq bilan yuzma-yuz uchrashuvlar o‘tkazayotgani va ularning fikriga quloq tutayotganini ijobiy baholadilar.