Xalq deputatlari Payariq tumani Kengashi deputati L.Jamalova tomonidan “Sarbozor” va “Taraqqiyot” mahalla fuqarolar yig‘inlarida saylovchilar bilan navbatdagi axborot uchrashuvi o‘tkazildi.

Uchrashuv davomida deputat o‘z faoliyati davomida amalga oshirilgan ishlar, aholi murojaatlari asosida ko‘rilgan chora-tadbirlar, hududlardagi ijtimoiy-iqtisodiy masalalarning yechimi yo‘lida olib borilgan tashabbuslar yuzasidan saylovchilarga batafsil axborot berdi.

Shuningdek, saylovchilar tomonidan ilgari surilgan muammolar – ichimlik suvi ta’minoti, mahallalararo yo‘llarning holati, ijtimoiy yordam masalalari, shuningdek, yoshlarga oid dolzarb muammolar atroflicha muhokama qilindi.

Uchrashuvda deputat tomonidan ko‘tarilgan masalalarning yechimi bo‘yicha tegishli tashkilotlar bilan hamkorlikda amaliy chora-tadbirlar belgilandi. Ayrim murojaatlar joyida hal etilib, ayrimlari nazoratga olindi.

Bunday uchrashuvlar aholining davlat boshqaruvi va mahalliy vakillik organlari bilan muloqotini mustahkamlash, ularning taklif va fikrlarini eshitish, mavjud muammolarni joyida hal qilishda muhim ahamiyat kasb etmoqda.