Xalq deputatlari Bekobod shahar kengashining deputatlari X.Ibragimova, U.Abdunazarov tomonidan O‘zbekiston Respublikasi Vazirlar Mahkamasining 2023-yil 8-noyabrdagi “Ta’lim muassasalarida chaqiruvga qadar boshlang‘ich tayyorgarlikni tashkil etish tartibi to‘g‘risidagi nizomni tasdiqlash haqida”gi 591-sonli qarori ijrosini Bekobod shahar Mudofaa ishlari bo‘limida tahlil etildi. Yuqoridagi qaror asosida chaqiruvga qadar boshlang‘ich tayyorgarlik fanining o‘quv-moddiy bazasini mustahkamlash, qurol saqlash xonalarini texnik qo‘riqlashni tashkil etish, o‘quvchi yoshlarning harbiy poligonlarda amaliy mashg‘ulotlarini o‘tkazish xarajatlari mahalliy byudjetlarining qo‘shimcha manbalari hisobidan qoplanishi
belgilab qo‘yilgan. Tahlil jarayonida shahar Maktabgacha va maktab ta’limi bo‘limiga qarashli 17 ta umumta’lim maktablarining barchasida chaqiruvga qadar boshlang‘ich tayyorgarlik sinflari barpo etilgan bo‘lib, shahar mahalliy byudjetining qo‘shimcha manbalari hisobidan 70,0 mln.so‘m mablag‘ ajratilgan bo‘lib, maktablarda samarali sarflangan. Ushbu yo‘nalishda amalga oshirilgan ishlarning samarasida bekobodlik o‘quvchi-yoshlari yaqinda bo‘lib o‘tgan o‘q otish bo‘yicha “Qo‘mondon kubogi” viloyat bosqichida faxrli 2-o‘rinni egallaganligi e’tirof etildi.