O‘zbekiston Respublikasi Prezidentining 2024-yil 4-noyabrdagi “O‘q otish sporti turlarini yanada rivojlantirish va ommalashtirish chora-tadbirlari to‘g‘risida”gi PQ-318-sonli qarori asosida Toshkent harbiy okrugi qo‘shinlari qo‘mondonligining o‘q otish sporti bo‘yicha “Qo‘mondon kubogi” musobaqasi 2-iyul kuni Chirchiq shahrida bo‘lib o‘tdi. Musobaqada viloyatdan 22 ta jamoalar qatnashib, Bekobod shahrining 8-umumta’lim maktabi ChQBT fani o‘qituvchisi Z.Berdiboyev va 17-umumta’lim maktabi ChQBT fani o‘qituvchisi I.Vannobov rahbarligidagi Bekobod shahar jamoasi faxrli II-o‘rinni va II-darajali Diplom va Kubok hamda qimmatbaho sovg‘alar bilan taqdirlandi. Musobaqada “Vatan tayanchi” otryadlari a’zolari B.Faxritdinov, S.Azamov, K.Sarvardinov, M.Fayzullayev, A.Shuxratov va M.Maxmudaliyevlar munosib qatnashdilar. Xalq deputatlari shahar kengashi deputatlari X.Ibragimova, U.Abdunazarov, O‘z XDP shahar kengashi raisi M.Abduxoliqova, bunday tadbirlar “Dolzarb – 90 kunlik” doirasida bo‘lib o‘tganligini ta’kidlab, o‘quvchilarni musobaqaga tayyorlashda yaqindan yordam bergan umumta’lim maktablari ChQBT fani o‘qituvchilariga va ustozlariga minnatdorchilik bildirdilar hamda yoshlarga kelgusida ona Vatan himoyachisi kabi sharafli kasb egalari bo‘lishlariga tilak bildirdilar.