Xalq deputatlari Gʻallaorol tuman Kengashi deputatlari aholining sanitariya epidemiologik osoyishtaligini taʼminlashga oid qonun, qarorlar ijrosi holatini oʻrgandi.

Deputatlar tuman Sanitariya epidemiologiya osoyishtalik va jamoat salomatligi boʻlimi faoliyati bilan tanishdi. Amalga oshirilayotgan chora-tadbirlar ijrosi oʻrganildi. Boʻlim tomonidan bu borada bir qancha kamchiliklarga yoʻl qoʻyilgan. Ularni bartaraf etish boʻyicha deputatlar tomonidan tavsiyalar berildi. Shuningdek, joylarda uchrayotgan antisanitar holatlarga boʻlim maʼsullari bilan birgalikda borilib oʻrganildi. Mazkur masala Xalq deputatlari Gʻallaorol tuman Kengashining navbatdagi sessiyasida muhokama qilinishi belgilab olindi.