“Адолат” СДП Шовот тумани депутатлик гуруҳи ташаббуси билан навбатдаги муҳим йиғилиш бўлиб ўтди. Унда туманда муқобил энергия манбаларидан фойдаланишни жорий этиш ва энергия самарадорлигини ошириш бўйича олиб борилаётган ишлар юзасидан “Енергосавдо” филиали Хоразм бўлинмаси Шовот тумани бўлими бошлиғи Шохрух Матяқубовнинг ҳисоботи эшитилди.

Йиғилишни ижтимоий соҳа, ёшлар сиёсати, маданият ва спорт масалалари бўйича доимий комиссия раиси А.Қаландаров очиб берди ва кун тартиби билан таништирди.

Шохрух Матяқубов ўз ҳисоботида Ўзбекистон Республикаси Президентининг 2025-йил 1-апрелдаги ПҚ-133-сонли қарори ҳамда бошқа тегишли ҳужжатлар ижроси доирасида амалга оширилган ишларни атрофлича баён этди. Жумладан, туманда 452 мингдан ортиқ истеъмолчиларга электр энергияси етказиб берилаётгани, бу борада 1 199 км ҳаво тармоғи ва 554 та трансформатор пунктлари фаолияти йўлга қўйилгани таъкидланди.