Nakurt mahallasi Payariq tumanining eng olis tog‘li hududi hisoblanadi. Qariyb 20 ming aholi yashaydigan bu manzil tuman markazidan 50 kilometr uzoqlikda joylashgan.

Xalq deputatlari Payariq tumani Kengashi raisi I.Jabborov bu hududda bo‘lib, u yerda olib borilayotgan ishlar bilan yaqindan tanishdi.

Qishloqqa olib boruvchi qariyb 3 kilometr yo‘lga yangi asfalt qoplamasi yotqizilganini guvohi bo‘ldi. Faxriylar bilan uchrashib, ularning takliflarini eshitdi.

Kengash raisi tog‘lar bag‘rida joylashgan qishloq aholisi uchun munosib turmush sharoiti yaratish, hududda infratuzilmani yanada yaxshilash borasida keyingi yillarda keng ko‘lamli bunyodkorlik, obodonlashtirish ishlari amalga oshirish davom etishini bildirdi.

Bu hududda turistik manzillarni barpo etish, ichki turizmni ham yo‘lga qo‘yish, hatto xorijlik sayyohlarni jalb etish uchun munosib sharoitlar yaratish reja qilinayotgani aytib o‘tildi.