"Ҳаял жоқары мǝнаўият ийеси" Усы жыл 29-апрель күни Бозатаў районы МШББ не қараслы 6-санлы улыўма орта билим бериў мектеби имаратында "Ҳаял жоқары мǝнаўият ийеси" жойбары шеңберинде ҳаял-қызларды ǝтирапымызда жүз берип атырған жат идеялардан асыраў, оларда идеологиялық иммунитетти қǝлиплестириў бойынша Еркиндарья аўыл пуқаралар жыйынындағы ислеў ҳǝм басқа максетлерде шет елге шығып кеткен ҳаял-қызлар менен дѳгерек саўбети шѳлкемлестирилди. ѲзЛиДеП Бозатаў районы Кеңеси аппарат баслығы Б.Қутлымуратов, халық депутатлары Бозатаў районлық Кеңеси депутат топар ағзалары Г.Бекбосынова, Ж.Жуманазаровлар сѳзге шығып ҳаял-қызлардың жǝмийеттеги орны ҳǝм миллий қадириятларды үгит-нǝсиятлаўда руухый-ағартыўшылық ҳаяллар имканияты, олардың хуқықый ҳǝм мǝдений саўатқанлығын асырыўда жǝмǝǝтшилик шѳлкемлери менен биргеликте белсендилиги туўрасында ѳз пикир-үсынысларын билдирди. Районда узақ жыллардан берли жумыс алып барып атырған ҳǝм партия жумысларында белсенди қатнасып атырған руухый-ағатыўшы ҳаяллар-қызлар қатнаспақта. Илажды ѳткериўдеги мақсет шаңарақларда саламат орталықты күшейттириў идеяларын турмысқа енгизиў, шаңарақлық кǝдириятларды саклаў ҳǝм оларды жаслар ортасында кен үгит-нǝсият етиўде ҳаяллардың ролин асырыўға ерисиўден ибарат.