#tavsiyalar
#qonun_162
#deputatlik_nazorati

Xalq deputatlari Kogon shahar Kengashi deputati D. Arabova tomonidan 4-son umumiy o‘rta ta’lim maktabida o‘quvchilarga zarur holatlarda birlamchi tibbiy yordam ko‘rsatish uchun maktab hamshirasi tasarrufidagi dori-darmon vositalari zaxirasi o‘rganildi.

O‘rganish davomida mavjud dori vositalarining ro‘yxati, yaroqlilik muddati, saqlash sharoitlari hamda o‘quvchilarga zarur vaziyatlarda tibbiy yordam ko‘rsatish uchun yetarliligi ko‘zdan kechirildi.

Mazkur o‘rganish bolalar salomatligini muhofaza qilish, maktabda xavfsiz ta’lim muhitini ta’minlash va tibbiy yordamni o‘z vaqtida tashkil etish masalalariga qaratildi.

O‘zbekiston Respublikasi “Ta’lim to‘g‘risida”gi Qonuni hamda sog‘liqni saqlash sohasidagi qonunchilik talablaridan kelib chiqib, ta’lim oluvchilarning hayoti va sog‘lig‘ini muhofaza qilish uchun zarur shart-sharoitlarni yaratish muhim vazifalardan biridir.

Deputatlik nazoratining mazmuni — mavjud holatni shunchaki qayd etish emas, balki bolaga zarur paytda yordam o‘z vaqtida yetib borishi uchun amaliy sharoit mavjudligini joyida tekshirishdir.

O‘rganish jarayonida Kengash bosh mutaxassisi Z. Temirova deputat ishiga mas’ul xodim sifatida ishtirok etdi.

Bola salomatligi bilan bog‘liq masalada “keyin” degan tushuncha bo‘lmasligi kerak. Zarur vosita zarur paytda mavjud bo‘lishi — xavfsiz ta’lim muhitining muhim shartidir.

🟦🟦🟦🟦🟦🟦

Telegram . Instagram . Facebook . Youtube . E-kengash