📌 “Mahalliy davlat hokimiyati to‘g‘risida”gi Qonunning 11-moddasiga muvofiq, mahalliy Kengash sessiyasi kun tartibi Kengash raisi, partiya guruhlari, doimiy komissiyalar hamda deputatlar tomonidan bildirilgan takliflar asosida shakllantiriladi.

🔹 Eng muhim va dolzarb masalalarni puxta tayyorlash maqsadida Kengash raisi tomonidan tegishli soha mutaxassislari va ekspertlar jalb etilgan holda ishchi guruh tashkil etilishi mumkin.

🔹 Ishchi guruh masalalarni tayyorlash jarayonida:

— saylovchilar;

— hokimlikning bo‘lim va boshqarmalari;

— korxona, tashkilot va muassasalar;

— nodavlat notijorat tashkilotlari;

— fuqarolarning o‘zini o‘zi boshqarish organlari

fikr-mulohazalarini inobatga oladi.

🔹 Sessiyada ko‘rib chiqiladigan masalalar dastlab tegishli doimiy komissiyalar tomonidan ko‘rib chiqiladi. Komissiyalar tomonidan tayyorlangan qaror loyihalari, kun tartibi va boshqa hujjatlar Kengash raisi hamda Kengash kotibiyati mudiriga taqdim etiladi.

🔹 Kun tartibi loyihasida har bir masalani ko‘rib chiqish navbati, masalani tayyorlash uchun mas’ul doimiy komissiya, ma’ruzachi va qo‘shimcha ma’ruzachilar, shuningdek zarur boshqa ma’lumotlar ko‘rsatiladi.

✅ Muhim: Sessiyaning kun tartibi mahalliy Kengash qarori bilan tasdiqlanadi.

📚 (https://www.instagram.com/zomin_tuman_kengashi?igsh=OXZkYXdrNm1kbWJy)Manba: O‘zbekiston Respublikasi Oliy Majlisi Senati Kengashining 2024-yil 21-oktyabrdagi KQ-835-IV-sonli qarori (https://lex.uz/uz/docs/-7179807) bilan tasdiqlangan “Xalq deputatlari viloyat, tuman, shahar Kengashining namunaviy reglamenti”.

Xalq deputatlari Sherobod tumani Kengashi kotibiyati matbuot xizmati.

Bizni kuzatishda davom eting👇

Telegram (https://t.me/+Kt-T6w2RAJoyOWQ6) | Facebook (https://www.facebook.com/share/g/1FsemqspgM/) | E-Kengash (https://kengash.gov.uz/news?region_id=8&authority_id=406) | Instagram (https://www.instagram.com/sherobod_tuman_deputatlari?igsh=MTNwNXcwcnp1YmgyNQ==) | YouTube (https://youtube.com/@sanjarsafarov-xi1kk?si=_sQwJeyaz6VFSkf6)

Slide 1 of 1