Xalq deputatlari Fargʻona shahar Kengashi kotibiyati mudiri Sh.Kamalov ishtirokida navbatdagi oʻrganish tadbiri oʻtkazildi.

🇺🇿 Fargʻona shahridagi “Nodirabegim” mahalla fuqarolar yig‘inida mahalliy Kengash faoliyatining eng ustuvor yo‘nalishlari bo‘yicha belgilab berilgan 24 ta tavsiyalar ijrosini ta’minlash maqsadida o‘rganish ishlari olib borildi. Mas’ullar mahallada amalga oshirilayotgan qurilish ishlarini, jumladan, bolalar maydonchasi barpo etish jarayonlarini ko‘zdan kechirdilar.

➡️ O‘rganishlar davomida bolalar maydonchasining qurilish holati, bajarilayotgan ish hajmi va uning sifati atroflicha ko‘zdan kechirilib, mavjud holat muhokama qilindi.

⌛ Jarayon davomida hududda boshlangan bunyodkorlik ishlarini bosqichma-bosqich amalga oshirish, belgilangan vazifalarni o‘z vaqtida va sifatli bajarish yuzasidan mas’ullarga tegishli ko‘rsatmalar berildi. Shuningdek, qurilish jarayonini nazoratga olish bo‘yicha qo‘shimcha chora-tadbirlar ko‘rildi.

✅ Tadbir yakunida hududda olib borilayotgan bunyodkorlik ishlarini jadallashtirish, aholi, xususan, yoshlar va bolalar uchun qulay shart-sharoitlar yaratish hamda ishlarni sifatli yakunlash masalalari belgilandi