Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Liberal demokratik partiyasidan saylangan deputat A.Kulbayev tomonidan tumanning “Dumaloq” mahallasi aholisining tomorqa ekinlarini sug‘orish tizimi sozligi bo‘yicha o‘rganish o‘tkazdi.

🟢O‘rganish davomida aholi xonadonlaridagi tomorqa ekinlarini sug‘orish tizimining holati, suv yo‘llarining sozligi hamda suvning xonadonlarga yetkazib berilishi bilan bog‘liq masalalar ko‘zdan kechirildi. Tomorqa yerlarida yetishtirilayotgan qishloq xo‘jaligi mahsulotlarini o‘z vaqtida sug‘orish aholi uchun muhim masalalardan biri ekani qayd etildi. O‘rganish natijasida ayrim suv yo‘llarida tozalash va tartibga keltirish ishlariga ehtiyoj mavjudligi aniqlandi. Mazkur masala yuzasidan tegishli mas’ullarga murojaat qilinib, aholi tomorqalariga suvni uzluksiz va samarali yetkazib berish maqsadida zarur choralar ko‘rildi.

🟢Xususan, “Suv yetkazib berish” davlat muassasasi xodimlari tomonidan suv yo‘llari va ariqlarni tozalash ishlari amalga oshirildi. Tozalash natijasida suvning erkin oqishiga xalaqit berayotgan omillarni bartaraf etish, sug‘orish tizimining samaradorligini oshirish hamda aholi tomorqalariga suv yetkazib berish imkoniyatlarini yaxshilashga qaratilgan ishlar bajarildi.

🟢Deputat tomonidan mas’ul tashkilotlar bilan hamkorlikda suv inshootlari va ariqlarning holatini muntazam nazorat qilib borish, mavsum davomida aholi tomorqalarini sug‘orishda yuzaga kelishi mumkin bo‘lgan muammolarni o‘z vaqtida aniqlash va bartaraf etish zarurligi ta’kidlandi.