Paxta hosilini nes-nobud qilmasdan, o‘z vaqtida va sifatli yig‘ib-terib olish, yig‘im-terim mavsumini uyushqoqlik bilan tashkil etish maqsadida amaliy tadbir tashkil etildi.

Mazkur tadbir Xalq deputatlari Oltinsoy tumani Kengashining 16-“Mo‘minqul” saylov okrugidan saylangan deputati Qodirov Rasul Saydullayevich tashabbusi bilan tashkil etildi.

Tadbirda Xalq deputatlari Oltinsoy tumani Kengashi raisi A.Turdiyev, Kengash kotibiyati mudiri M.Xujanov, tuman Kengashi deputatlari, kotibiyat bosh mutaxassislari hamda nuroniylar ishtirok etdilar.

Tadbir davomida ishtirokchilar paxta dalalarida bo‘lib, paxta hosilini nes-nobud qilmasdan, sifatli va uyushqoqlik bilan yig‘ib-terib olish jarayonida amaliy ishtirok etdilar.

🌿 Paxta — mamlakatimiz qishloq xo‘jaligining muhim tarmoqlaridan biri bo‘lib, mo‘l hosilni o‘z vaqtida va sifatli yig‘ib olishda har bir fuqaroning faolligi muhim ahamiyat kasb etadi.

🤝 Deputatlarning bunday amaliy tadbirlardagi ishtiroki hududlarda mavjud masalalarni bevosita joyiga chiqib o‘rganish, aholi va mehnatkashlar bilan yaqindan muloqot qilish hamda hudud rivojiga daxldor jarayonlarda faol ishtirok etishning amaliy ifodasidir.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz