Yangi Hayot ko‘chasidagi ichki yo‘llarni joriy ta’mirlash masalasi muhokama qilindi

🗺 Xalq deputatlari Namangan shahar Kengashi deputati S.Gapparova tomonidan fuqarolar murojaatiga asosan Yangi Hayot ko‘chasidagi ichki yo‘llarni joriy ta’mirlash masalasi yuzasidan qabul qilingan Kengash qarorining mazmun-mohiyati jamoatchilikka tushuntirildi.

📄 Jumladan, Xalq deputatlari Namangan shahar Kengashining 2026-yil 18-martdagi VII-19-29-6-91-K/26-sonli qaroriga muvofiq, Namangan shahrida ichki yo‘llarni saqlash va ta’mirlash bo‘yicha ishlab chiqilgan manzilli dastur tasdiqlangani haqida fuqarolarga batafsil ma’lumot berildi.

🔍 Suhbat davomida mazkur qaror asosida:
✔️ ichki yo‘llarni saqlash va ta’mirlash ishlari bosqichma-bosqich amalga oshirilishi;
✔️ moliyalashtirish ishlari tasdiqlangan manzilli ro‘yxat asosida yo‘lga qo‘yilishi;
✔️ yo‘llarning holatini baholash, monitoring va nazorat ishlari muntazam olib borilishi ta’kidlandi.

🤝 Shuningdek, fuqarolar bilan ochiq muloqot davomida yo‘l infratuzilmasini yaxshilashga doir taklif va mulohazalar ham o‘rganildi.

✨ Bunday tushuntirish ishlari joylardagi muammolarni tizimli hal etish, ochiqlikni ta’minlash hamda jamoatchilik bilan samarali muloqotni mustahkamlashga xizmat qilmoqda.