DEPUTATLAR UCHUN MUHIM SEMINAR: TA’SIRCHAN DEPUTATLIK NAZORATI VA AHOLI MUROJAATLARI

🗓 Joriy yilning 22-sentabr kuni soat 11:00 da O'zbekiston Respublikasi Oliy Majlis Senati devoni hududiy vakillik organlari faoliyatini o'rganish markazi tomonidan mahalliy Kengashlar raislari va deputatlari uchun barqaror ish o‘rinlarini yaratish, bandlikni ta’minlash, aholi daromadlarini oshirish va kambag‘allikni qisqartirish yo‘nalishida ta’sirchan deputatlik nazoratini amalga oshirish, shuningdek, aholi murojaatlari bilan ishlashni samarali tashkil etish masalalariga bag‘ishlangan seminar o‘tkazildi.

📋 Seminar doirasida deputatlik nazoratini samarali tashkil etish, hududlarda bandlik va daromadlarni oshirishga qaratilgan ishlarni o‘rganish, aniqlangan muammolar bo‘yicha amaliy choralar belgilash hamda fuqarolar murojaatlari bilan tizimli ishlash masalalariga e’tibor qaratildi.

📑 Shuningdek, Ko‘maklashuvchi komissiyaning 2026-yil 17-sentabrdagi 22-06/3744-sonli xati bilan yuborilgan tegishli hujjatlar — tavsiyalar va namunalar seminar oldidan barcha deputatlarga yetkazildi.

👥 Xalq deputatlari Pastdarg‘om tumani Kengashi deputatlari ham mazkur seminarda faol ishtirok etib, deputatlik nazoratini yanada samarali tashkil etish hamda mahallalarda aholi bilan ishlash bo‘yicha zarur amaliy ko‘nikmalarga ega bo‘ldilar.

🤝 Maqsad — deputatlik nazoratini kuchaytirish, aholi muammolarini manzilli o‘rganish va ularning amaliy yechimiga ko‘maklashish.