🔺Xalq deputatlari Uchquduq tuman Kengashining 6-Tog‘ saylov okrugi deputati, tuman hokimi U.Yelmuratov tumandagi «Iftixor» MFYni «Yangi O‘zbekiston» qiyofasidagi, zamonaviy va obod mahallaga aylantirish maqsadida amalga oshirilayotgan ishlar bilan tanishdilar.

Mahalla hududidagi ichki xo‘jalik avtomobil yo‘llarini asfaltlashtirish ishlarini amalga oshirish uchun 3 mlrd. 680 mln. so‘m mablag‘ yo‘naltirilgan.

🔺Ayni paytda belgilangan hududlarda yo‘llarni asfaltlashtirish ishlari olib borilmoqda. Joylarda ishning borishi, qurilish sifati va belgilangan vazifalarning o‘z vaqtida bajarilishi holati ko‘zdan kechirildi.

🔺Mazkur obodonlashtirish ishlari natijasida mahalla ichki yo‘llarining holati yaxshilanib, aholi uchun yanada qulay va xavfsiz harakatlanish sharoiti yaratiladi.

Mas’ullarga amalga oshirilayotgan ishlarni sifat talablariga qat’iy rioya qilgan holda olib borish, belgilangan vazifalarni o‘z muddatida  yakunlash bo‘yicha tegishli ko‘rsatmalar berildi.