#deputatlik_faoliyati_Uchtepa #haftalik_ish_reja_doirasida #fuqarolar_qabuli #bandlik_masalasi #partiya_guruhlari

BARQAROR ISH O‘RNI — OILALAR DAROMADINING MUHIM MANBAI

🗂 O‘zbekiston Respublikasi Prezidentining 2026-yil 11-sentabrdagi “Barqaror ish o‘rinlarini yaratish va kichik biznesni jadal rivojlantirish orqali aholi daromadlarini oshirish chora-tadbirlari to‘g‘risida”gi PF–193-son Farmoni bilan aholi bandligini ta’minlash, barqaror ish o‘rinlarini yaratish, oilalar daromadini oshirish hamda kambag‘allikni qisqartirish bo‘yicha muhim vazifalar belgilangan.

🇺🇿 Mazkur vazifalar ijrosini ta’minlash maqsadida xalq deputatlari Uchtepa tumani Kengashidagi O'zbekiston milliy tiklanish demokratik partiyasi deputatlik guruhi rahbari, "13-Uchtepa" saylov okrugi deputati Karimov Jamshid Fatxullayevich tomonidan o‘zi faoliyat yuritayotgan korxonasida aholini doimiy ish bilan ta’minlash masalasiga alohida e’tibor qaratilmoqda.

↗️ Deputatning amaliy tashabbusi va ko‘magida 8 nafar fuqaro doimiy ish o‘rniga ega bo‘lib, ularning oilaviy byudjetiga muntazam daromad kirib kelishini ta’minlaydigan barqaror manba yaratildi.

🤝 Mazkur amaliy ishlar Prezident Farmonida belgilangan vazifalarni joylarda ta’minlash, aholi bandligini oshirish va oilalar daromadini ko‘paytirishda deputatlarning faol ishtiroki muhim ekanini ko‘rsatmoqda.

📈 Deputat Jamshid Karimov tomonidan aholini ish bilan ta’minlash, yangi ish o‘rinlarini yaratish va fuqarolarning daromadlarini oshirishga qaratilgan ishlar izchil davom ettirilmoqda.