IJTIMOIY HIMOYAGA MUHTOJ OILALARGA KO‘RSATILAYOTGAN YORDAMLAR O‘RGANILDI 

Xalq deputatlari Quva tuman Kengashi raisi Z.Ashurov tomonidan Sanoatchilar
mahalla fuqarolar yig‘inida aholini kambag‘allikdan chiqarish, ijtimoiy
himoyaga muhtoj oilalarga ko‘rsatilayotgan yordamlar samaradorligini o‘rganish
yuzasidan manzilli o‘rganish ishlari olib borildi. 

O‘rganish jarayonida mahalla ko‘chalarida aholi bilan bevosita muloqot
qilinib, mahalla faollari hamda nogironligi bo‘lgan fuqarolar bilan
suhbatlashildi. 

Suhbatlar davomida fuqarolarning mavjud muammolari, ularga ko‘rsatilayotgan
ijtimoiy yordamlar va amalga oshirilayotgan ishlar yuzasidan fikrlari
o‘rganildi. 

Aniqlangan masalalarni tegishli tartibda hal etish va ijtimoiy himoyaga
muhtoj aholi manfaatlarini ta’minlash bo‘yicha zarur choralar belgilab olindi.