Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat T.Mirsidiqovga biriktirilgan kotibiyat mudiri J.Sadirov tomonidan tumanning “Xumson” mahallasida joylashgan “Xumson” oilaviy shifokorlik punktida tibbiy xizmatlar sifati, aholiga yaratilgan sharoitlar, tibbiy jihozlar bilan ta’minlanganlik hamda bepul beriladigan dori vositalari zaxirasi o‘rganildi.

🔻O‘rganish davomida tibbiyot muassasasida aholiga ko‘rsatilayotgan tibbiy xizmatlarning holati, fuqarolarni qabul qilish va ularga zarur tibbiy yordam ko‘rsatish jarayoni, mavjud tibbiy jihozlardan foydalanish samaradorligi hamda dori vositalari bilan ta’minlanganlik masalalariga alohida e’tibor qaratildi.

🔻O‘rganish natijasida oilaviy shifokorlik punktida aholiga tibbiy xizmat ko‘rsatish yaxshi yo‘lga qo‘yilgani, bemorlarni qabul qilish va ularga zarur tibbiy yordam ko‘rsatish ishlari belgilangan tartibda tashkil etilgani aniqlandi. Shuningdek, tibbiy muassasa zarur tibbiy jihozlar bilan yetarli darajada ta’minlangani va mavjud jihozlardan tibbiy xizmat ko‘rsatish jarayonida foydalanilayotgani ko‘zdan kechirildi.

🔻Aholining ijtimoiy himoyaga muhtoj qatlamlarini zarur dori vositalari bilan ta’minlash masalasi ham alohida o‘rganildi. Muassasada aholiga belgilangan tartibda bepul beriladigan dori vositalari yetarli miqdorda mavjudligi qayd etildi. Dori vositalarining saqlanishi va ularni aholiga yetkazib berish jarayonlariga ham e’tibor qaratildi.

🔻Shu bilan birga, o‘rganish jarayonida oilaviy shifokorlik punkti binosining ta’mirtalab holatda ekani aniqlandi. Binoning moddiy-texnik holatini yaxshilash, xonalarni ta’mirlash va aholi uchun yanada qulay sharoitlar yaratish zarurligi ta’kidlandi.