🔰Madaniy meros obyektini asrab-avaylash – e’tiborda

🌏Xalq deputatlari Jondor tumani Kengashi deputati I. Xolov hamda tuman Kengashi kotibiyati bosh mutaxassisi J. Norov hamkorligida “Eronshoh” mahallasida joylashgan madaniy meros obyektining bugungi holati o‘rganildi.
🌏O‘rganish davomida tarixiy va madaniy ahamiyatga ega bo‘lgan mazkur obyektni asrab-avaylash, uning saqlanishini ta’minlash hamda kelgusida yosh avlodga asl holicha yetkazish masalalariga alohida e’tibor qaratildi.
🌏Madaniy meros obyektlarini muhofaza qilish, ularning tarixiy qiyofasini saqlab qolish va ulardan samarali foydalanish borasida tegishli tavsiyalar bildirildi. Jumladan, obyekt hududini obodonlashtirish, sanitariya holatini yaxshilash, muhofaza talablariga rioya etish hamda mavjud muammolarni bartaraf etish yuzasidan mas’ullarga tavsiyalar berildi.
🌏Shuningdek, bunday tarixiy maskanlarni kelajak avlodga bus-butun yetkazish nafaqat mutasaddi tashkilotlar, balki jamoatchilikning ham muhim vazifasi ekani ta’kidlandi.
👉Madaniy meros – xalqning tarixiy xotirasi. Uni asrab-avaylash va kelajak avlodga yetkazish barchamizning mas’uliyatimizdir.