Xalq deputatlari Andijon shahar Kengashi deputati Gulnoraxon Ismailova Buloqboshi tumanidagi Rivoj MFYda bo‘lib, mahalla yettiligi tomonidan ehtiyojmand oilalar bilan ishlash borasida amalga oshirilayotgan ishlar bilan tanishdi.

Tashrif davomida reyestr ro‘yxatida turgan oilalar vakillari bilan uchrashib, ularning muammo va ehtiyojlari yuzasidan suhbatlashildi.

Shuningdek, Rivoj MFY uchun qurib foydalanishga topshirilgan yangi, zamonaviy mahalla binosi ko‘zdan kechirildi. Mahalla yettiligining samarali faoliyat yuritishi va fuqarolarni qabul qilishi uchun barcha zarur sharoitlar yaratilgan.

Aholi murojaatlarini o‘rganish, ehtiyojmand oilalarni qo‘llab-quvvatlash va ularning muammolarini manzilli hal etish masalalariga alohida e’tibor qaratildi.