#haftalik_ish_reja_ijrosi
#24_ta_tavsiyalar_ijrosi
#deputat_faoliyati

Bandixon tumanida deputat va saylovchilar muloqoti: "Obikor" mahallasida aholi murojaatlari tinglandi

Bandixon tumanida fuqarolarning qonuniy manfaatlarini himoya qilish, aholi murojaatlarini o‘z vaqtida o‘rganish va ijtimoiy-iqtisodiy masalalarga amaliy yechim topish borasida deputatlar tomonidan saylovchilar bilan uchrashuvlar izchil tashkil etilmoqda.

Xalq deputatlari Bandixon tumani Kengashi deputati X.Salomov "Obikor" MFYda bo‘lib, mahalla ahli bilan uchrashdi.

Tadbirda Prezidentimiz tomonidan kambag‘allikni qisqartirish, yangi ish o‘rinlari yaratish va aholi farovonligini yuksaltirish borasida belgilangan vazifalar atroflicha tushuntirildi.

Shuningdek, muloqot davomida fuqarolar tomonidan infratuzilmani yaxshilash, bandlik va ijtimoiy sohalarga oid bildirilgan taklif hamda murojaatlar deputatlik nazoratiga olindi.

Uchrashuv yakunida ko‘tarilgan muammolarni mas’ul idoralar bilan birgalikda bartaraf etish yuzasidan tegishli chora-tadbirlar belgilandi.