Xalq deputatlari Qo‘qon shahar Kengashi deputati M.Axmedova tomonidan o‘z saylov okrugi hududiga qarashli “Qo‘shchinor” mahalla fuqarolar yig‘inida navbatdagi saylovchilar bilan uchrashuv va o‘rganish ishlari olib borildi.

Uchrashuv davomida mahalla fuqarosi Jabborov Abdusalim plastik bank kartasidan noma’lum shaxs tomonidan mablag‘ yechib olingani yuzasidan maslahat so‘rab murojaat qildi.

️Mazkur murojaat yuzasidan mahalla profilaktika inspektori O.Dehqonov tomonidan fuqaroga tegishli tartibda tushuntirish va maslahatlar berildi. Murojaatni qonunchilikda belgilangan tartibda ko‘rib chiqish, zarur hollarda tegishli huquqni muhofaza qiluvchi organlarga murojaat qilish bo‘yicha tavsiyalar bildirildi.

Deputat tomonidan fuqaroning murojaati e’tiborga olinib, masalani tegishli tartibda hal etish bo‘yicha zarur choralarni ko‘rish yuzasidan tushuntirishlar berildi.

Mazkur o'rganish ishlarini olib borishda Xalq deputatlari Qo‘qon shahar Kengashi kotibiyati mudiri A.Nosirov hamda “Madad” NNT vakili M.Toshboltayevalar tomonidan amaliy ko‘mak ko‘rsatildi.

Xalq deputatlari Qo‘qon shahar Kengashi