🏛 XALQ DEPUTATLARI YANGIARIQ TUMANI KENGASHINING 33-SESSIYASI BO‘LIB O‘TDI
📅 Bugun, 11-sentabr kuni Xalq deputatlari Yangiariq tumani Kengashining navbatdagi 33-sessiyasi bo‘lib o‘tdi.
Sessiyada tuman ijtimoiy-iqtisodiy hayotiga daxldor, aholi manfaatlarini ta’minlash, jamoatchilik nazoratini kuchaytirish, budjet mablag‘laridan samarali foydalanish hamda korrupsiyaga qarshi kurashish yo‘nalishidagi muhim masalalar atroflicha muhokama qilindi.
📋 Sessiya kun tartibidan quyidagi masalalar o‘rin oldi:
1. “AYOLLAR DAFTARI” DOIRASIDA AMALGA OSHIRILAYOTGAN ISHLAR MUHOKAMA QILINDI
Yangiariq tumani Oila va xotin-qizlar bo‘limining 2026-yil 2-chorak yakuni bilan “Ayollar daftari”ga kiritilgan xotin-qizlarga ko‘rsatilgan yordamlar hamda amalga oshirilayotgan ishlar to‘g‘risidagi hisoboti tinglandi.
🔹 Xotin-qizlarni ijtimoiy qo‘llab-quvvatlash;
🔹 ularning bandligini ta’minlash;
🔹 kasb-hunarga o‘qitish;
🔹 tadbirkorlik tashabbuslarini qo‘llab-quvvatlash;
🔹 og‘ir ijtimoiy vaziyatga tushib qolgan xotin-qizlarga manzilli yordam ko‘rsatish masalalariga e’tibor qaratildi.
Deputatlar tomonidan mazkur yo‘nalishdagi ishlarning samaradorligini oshirish yuzasidan fikr va takliflar bildirildi.
2. “OCHIQ BUDJET” ORQALI G‘OLIB BO‘LGAN LOYIHALARGA MABLAG‘ AJRATISH MASALASI
Jamoatchilik fikri asosida “Ochiq budjet” portali orqali 2026-yil 2-mavsumida o‘tkazilgan tashabbusli budjet jarayonida g‘olib bo‘lgan takliflarni moliyalashtirish masalasi ko‘rib chiqildi.
💰 G‘olib bo‘lgan tashabbuslarni amalga oshirish uchun “Fuqarolar tashabbusi jamg‘armasi”dan mablag‘ ajratish masalasi muhokama qilinib, ushbu mablag‘larning belgilangan maqsadlarda va samarali sarflanishini ta’minlash zarurligi qayd etildi.
📌 Ta’kidlanganidek, tashabbusli budjet jarayoni orqali fuqarolarning hududni rivojlantirishdagi ishtiroki va jamoatchilik tashabbuslarini qo‘llab-quvvatlash imkoniyatlari kengaymoqda.
3. KORRUPSIYAGA QARSHI KURASHISH BO‘YICHA AMALGA OSHIRILGAN ISHLAR SARHISOB QILINDI
Sessiyada O‘zbekiston Respublikasi Prezidentining 2025-yil 21-apreldagi PF-71-son Farmoni ijrosi yuzasidan amalga oshirilgan ishlar to‘g‘risidagi masala ham ko‘rib chiqildi.
⚖️ Korrupsiyaning oldini olish, unga qarshi kurashish tizimini takomillashtirish, korrupsiyaviy xavf-xatarlarni barvaqt aniqlash, davlat organlari faoliyatida ochiqlik va shaffoflikni ta’minlash borasida amalga oshirilgan ishlar yuzasidan axborot berildi.
🔎 Deputatlar tomonidan bu boradagi ishlarni yanada kuchaytirish, korrupsiyaga sabab bo‘luvchi omillarni bartaraf etish hamda jamoatchilik nazoratini oshirish yuzasidan takliflar bildirildi.
4. KENGASH QARORIGA O‘ZGARTIRISH KIRITISH MASALASI KO‘RIB CHIQILDI
Shuningdek, Xalq deputatlari Yangiariq tumani Kengashining 2025-yil 27-martdagi VII-8-38-12-179-K/25-sonli qarori ilovasining 34-bandiga o‘zgartirish kiritish masalasi sessiya kun tartibidan o‘rin oldi.
📑 Mazkur masala deputatlar tomonidan muhokama qilinib, amaldagi hujjatni takomillashtirish va belgilangan vazifalarni samarali tashkil etish maqsadida tegishli o‘zgartirish kiritish masalasi ko‘rib chiqildi.
🤝 Sessiyada ko‘rib chiqilgan har bir masala bo‘yicha deputatlar tomonidan fikr va takliflar bildirilib, tegishli qarorlar qabul qilindi.
📌 33-sessiyada muhokama qilingan masalalar tuman aholisi manfaatlarini ta’minlash, jamoatchilik tashabbuslarini qo‘llab-quvvatlash, budjet mablag‘laridan samarali foydalanish, korrupsiyaga qarshi kurashish hamda Kengash qarorlarining ijrosini takomillashtirishga qaratildi.
🏛 Xalq deputatlari Yangiariq tumani Kengashi