Xalq deputatlari Andijon shahar Kengashi deputatlari R. Axmadulin va D. Talipova tomonidan O‘rikzor MFY hududidagi “Xalqlar do‘stligi” sport majmuasida “Workout” sport maydonchasi tashkil etish bo‘yicha taklif kiritildi.

Mazkur hududdan 6 ta MFY aholisi muntazam foydalanib, kuniga 350–500 nafar fuqaro sport bilan shug‘ullanmoqda.

Tashabbus doirasida mavjud bo‘sh yer maydonidan samarali foydalanib, aholiga, ayniqsa yoshlarga ochiq havoda sport bilan shug‘ullanish uchun qo‘shimcha imkoniyat yaratish ko‘zda tutilmoqda.

Loyihani amalga oshirish uchun 114 mln so‘m mablag‘ zarur bo‘lib, uni qonunchilikda belgilangan tartibda tegishli jamg‘armalar mablag‘lari hisobidan moliyalashtirish masalasi taklif etildi.

Deputatlar tashabbusi — aholi manfaatlari yo‘lida.