#Deputatlik_nazorati #Kotibiyat_hududlarda #24_ta_tavsiyaviy_savol #deputatga_murojaatlar

Fuqaro murojaati joyiga chiqib o‘rganildi

🇺🇿 Xalq deputatlari Uchtepa tumani Kengashining “4-Qoryog‘di” saylov okrugi deputati Djalolov Sanjar Gayratovich tomonidan Qoryog‘di mahallasida mahalla faollari bilan navbatdagi uchrashuv o‘tkazildi.

💬 Uchrashuv davomida fuqarolar tomonidan bildirilgan murojaat va takliflar tinglanib, ularning yechimini topish yuzasidan tegishli masalalar muhokama qilindi.

🖋️ Jumladan, Sadoqat ko‘chasi, 22-uyda istiqomat qiluvchi fuqaro M.F.ning murojaati asosida hududdagi muammo joyiga chiqib o‘rganildi.

🗣 Murojaatda 109-sonli umumiy o‘rta ta’lim maktabi stadioni yonidan o‘tuvchi, Sadoqat va Mehmondo‘st ko‘chalarini bog‘lab turuvchi kichik yo‘lning yopilib qolgani sababli mahalla aholisi, xususan, maktab o‘quvchilari uchun noqulayliklar yuzaga kelayotgani qayd etilgan.

👁 O‘rganish davomida mazkur yo‘lning amaldagi holati, undan fuqarolar va o‘quvchilarning foydalanish imkoniyati hamda hududdagi harakatlanish qulayligi atroflicha ko‘zdan kechirildi.

📁 Deputat tomonidan murojaatda ko‘tarilgan masalani ijobiy hal etish, fuqarolar va o‘quvchilar uchun qulay va xavfsiz harakatlanish sharoitini yaratish yuzasidan tegishli mutasaddilar bilan hamkorlikda amaliy choralar ko‘rish zarurligi ta’kidlandi.

🇺🇿 O‘rganish jarayonida xalq deputatlari Uchtepa tumani Kengashi kotibiyati bosh mutaxassisi Umidbek Abilov, Kengash Ekspert guruhi a’zolari hamda mahalla faollari ishtirok etdilar.

📈 Fuqarolar murojaatini tinglash — ishning boshlanishi. Uni joyiga chiqib o‘rganish va amaliy yechim topish esa deputatlik faoliyatining muhim yo‘nalishlaridan biridir.

🖼️ Aholining kundalik hayotiga ta’sir ko‘rsatayotgan har bir masalani joyida o‘rganish, muammolarni tegishli tashkilotlar bilan hamkorlikda hal etish va fuqarolar manfaatlarini himoya qilish borasidagi ishlar izchil davom ettiriladi.