JAMOAT TARTIBI VA XAVFSIZLIK — DOIMIY NAZORATDA

📍 Xalq deputatlari Pastdarg‘om tumani Kengashi Korrupsiyaga qarshi kurashish va xavfsizlik masalalari bo‘yicha doimiy komissiyasi ishchi guruhi tomonidan mahallalarda jamoat tartibini saqlash va xavfsizlikni ta’minlashga qaratilgan ishlar o‘rganildi.

🔎 O‘rganish O‘zbekiston Respublikasi Vazirlar Mahkamasining 2021-yil 20-sentabrdagi 588-sonli “Mahallalarda jamoat tartibini saqlash bo‘yicha qo‘shimcha chora-tadbirlar to‘g‘risida”gi qarori ijrosi doirasida amalga oshirildi.

📍 Jumladan, Juma shahri A.Temur ko‘chasida joylashgan 102-sonli Jamoatchilik nazorati maskani faoliyati bilan tanishildi.

O‘rganish davomida maskanning jamoat tartibini saqlash, huquqbuzarliklarning oldini olish, fuqarolar xavfsizligini ta’minlash hamda hududdagi osoyishtalikni mustahkamlashdagi faoliyati ko‘rib chiqildi.

🤝 Jamoat tartibini ta’minlashda huquqni muhofaza qiluvchi organlar, mahalla faollari va jamoatchilikning hamkorligini yanada kuchaytirish muhimligi ta’kidlandi.

📌 Deputatlik nazorati — qonunlar va hukumat qarorlari ijrosini joylarda o‘rganish, aniqlangan masalalarga e’tibor qaratish hamda fuqarolar xavfsizligini ta’minlashga ko‘maklashishning muhim vositasidir.