JAMOAT TARTIBI VA XAVFSIZLIK MASALASI — DEPUTATLIK NAZORATIDA

Xalq deputatlari Pastdarg‘om tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi tomonidan mahallalarda jamoat tartibini saqlash va fuqarolar xavfsizligini ta’minlash yo‘nalishidagi ishlar deputatlik nazoratiga olindi.

📌 Shu munosabat bilan doimiy komissiya tomonidan 2026-yil 2-sentabrda tuman hokimi o‘rinbosari S. Xamrayevga 39-kx-487-26-sonli deputatlik murojaati yo‘llandi.

Murojaatda O‘zbekiston Respublikasi Vazirlar Mahkamasining 2021-yil 20-sentabrdagi 588-son “Mahallalarda jamoat tartibini saqlash bo‘yicha qo‘shimcha chora-tadbirlar to‘g‘risida”gi qarori talablaridan kelib chiqib, tumanda mazkur yo‘nalishda amalga oshirilgan ishlar, erishilgan natijalar hamda mavjud muammolar haqida batafsil ma’lumot taqdim etish so‘raldi.

🔎 Mazkur o‘rganish orqali mahallalarda jamoat tartibini ta’minlash, huquqbuzarliklarning oldini olish, profilaktik ishlarning samaradorligi hamda mas’ul tashkilotlar o‘rtasidagi hamkorlik holatiga baho berish ko‘zda tutilgan.

⚖️ Deputatlik nazorati — jamoat xavfsizligini ta’minlash, muammolarni aniqlash va ularning yechimini talab qilishning muhim mexanizmidir.