🏥Aholiga tibbiy xizmatlar ko‘rsatish sifati o‘rganildi

📍Xalq deputatlari O‘rta Chirchiq tumani Kengashi kotibiyati mudiri B.Baxovadinov hamda tuman Tibbiyot birlashmasi mudiri J.Razzakov ishtirokida tuman tibbiyot muassasasida navbatdagi o‘rganish ishlari olib borildi.

💉O‘rganish davomida aholiga ko‘rsatilayotgan birlamchi tibbiy xizmatlarning sifati, fuqarolarni qabul qilish va tibbiy ko‘rikdan o‘tkazish jarayonlari, bemorlarga tibbiy yordamning o‘z vaqtida va sifatli ko‘rsatilishi holatiga alohida e’tibor qaratildi.

🩺 Bemorlarga tavsiya etilayotgan davolash va profilaktika choralari, shifokor ko‘rsatmalarining bajarilishi, fuqarolar murojaatlari bilan ishlash samaradorligi hamda tibbiyot muassasasida yaratilgan shart-sharoitlar ko‘zdan kechirildi.

💊O‘rganish jarayonida aholining tibbiy xizmatlardan foydalanishida qulaylik yaratish, xizmatlar sifatini yanada oshirish va mavjud muammolarni bartaraf etish bo‘yicha mas’ullarga tegishli tavsiya va takliflar bildirildi.

✅ Aholi salomatligini muhofaza qilish, sifatli va zamonaviy tibbiy xizmatlardan foydalanish imkoniyatlarini kengaytirish deputatlik nazoratining muhim yo‘nalishlaridan biridir.

Xalq deputatlari O‘rta Chirchiq tuman Kengashi kotibiyati axborot xizmati!