Mahalladagi muammolar joyiga chiqib o‘rganildi
Xalq deputatlari Qo‘shko‘pir tumani Kengashi kotibiyati mudiri M. Tangriberganov, kotibiyat bosh mutaxassisi hamda deputat Azizbek Erkinov va deputat Niyozjon Bobojonovаlar Ko‘nazey mahallasi Tabarruk ko‘cha boshisi Ochilbek Niyozmetov bilan birgalikda mahalladagi ko‘chalarda mavjud muammolarni joyiga chiqqan holda ko‘zdan kechirdilar.
Jumladan, Tabarruk ko‘chasida elektr energiyasi kuchlanishining pastligi aholi tomonidan ko‘plab e’tirozlarga sabab bo‘layotgani qayd etildi. Mazkur masala yuzasidan mutasaddi tashkilotlarga deputat so‘rovi yuborilishi hamda muammoning qonuniy tartibda hal etilishi nazoratga olinishi ma’lum qilindi.
Xalq deputatlari mahalliy Kengashi deputatlari tomonidan fuqarolar manfaatlarini himoya qilish, hududlarda mavjud muammolarni aniqlash va ularni amaliy hal etish borasidagi ishlar izchil davom ettirilmoqda.