💳Xalq deputatlari Chilonzor tumani Kengashi deputati Imamov Sanjarali Tulkinovich saylov okrugi 16-Beshqo‘rg‘on hududida istiqomat qiluvchi ijtimoiy himoyaga muhtoj fuqaro Jo‘raboyeva Shoxida Satarovnaning uy-joyini ta’mirlash xarajatlarini moliyalashtirish masalasi ijobiy hal etildi.

Fuqaro Beshqo‘rg‘on MFY, Chorbog‘ 3-tor, 43-uy manzilida joylashgan yakka tartibdagi uyda istiqomat qiladi.

Xalq deputatlari Chilonzor tumani Kengashining 2026-yil 7-iyuldagi III-22-60-14-204-K/26-son qarori hamda mazkur qarorning 1-ilovasida tasdiqlangan “Infratuzilma va ijtimoiy barqarorlik” jamg‘armasi mablag‘lari hisobidan Chilonzor tumanida istiqomat qiluvchi himoyaga muhtoj fuqaroning uy-joylarini ta’mirlash xarajatlari jadvaliga muvofiq, Jo‘raboyeva Shoxida Satarovnaning uy-joyini ta’mirlash ishlari uchun 61 800 000 (oltmish bir million sakkiz yuz ming) so‘m mablag‘ ajratildi.

Mazkur mablag‘ fuqaroning yashash sharoitlarini yaxshilash, uy-joyini ta’mirlash hamda munosib turmush sharoitini yaratishga xizmat qiladi.

Xalq deputatlari Chilonzor tumani Kengashi deputatlari tomonidan aholining ijtimoiy himoyaga muhtoj qatlamlarini har tomonlama qo‘llab-quvvatlash, ularning murojaatlarini o‘z vaqtida ko‘rib chiqish va amaliy yechim topishga qaratilgan ishlar izchil davom ettirilmoqda.