Xalq deputatlari Jondor tumani Kengashi kotibiyati bosh mutaxassisi R.Murodov hamda Samonchuq mahallasi vakillari hamkorligida hududda jinoyatchilikning oldini olish, huquqbuzarliklarni barvaqt profilaktika qilish hamda jamoat xavfsizligini ta’minlash borasida profilaktika inspektori tomonidan amalga oshirilayotgan ishlar tahlil qilindi.
⚡️O‘rganish davomida mahalladagi kriminogen vaziyat, huquqbuzarliklarning oldini olishga qaratilgan profilaktik chora-tadbirlar, fuqarolar murojaatlari bilan ishlash holati hamda xavf guruhiga kiruvchi shaxslar bilan olib borilayotgan targ‘ibot ishlariga alohida e’tibor qaratildi.
⚡️Tahlil yakunlari bo‘yicha mavjud muammolarni bartaraf etish, “mahalla yettiligi” hamda huquqni muhofaza qiluvchi organlar o‘rtasidagi hamkorlikni yanada kuchaytirish, aholi tinchligi va xavfsizligini ta’minlashga qaratilgan profilaktik ishlar samaradorligini oshirish yuzasidan tegishli taklif va tavsiyalar bildirildi.