Xalq deputatlari Uchquduq tumani Kengashi kotibiyati mudiri M.Kamolova tomonidan “Mingbuloq” OFY hududida xotin-qizlar faoli tomonidan amalga oshirilayotgan ishlar samaradorligi joyiga chiqib, atroflicha o‘rganildi.

O‘rganish jarayonida xotin-qizlarning ijtimoiy himoyasi, bandligini ta’minlash, ularni tadbirkorlik faoliyatiga jalb etish, oilaviy muhit barqarorligini mustahkamlash hamda huquqbuzarliklarning oldini olish borasida olib borilayotgan tizimli ishlar tahlil qilindi.

📊 Hudud bo‘yicha asosiy ko‘rsatkichlar:

Ovulda jami 165 nafar xotin-qizlar istiqomat qiladi

Shundan 5 nafari nogironligi bo‘lgan xotin-qizlar bo‘lib, ularni ijtimoiy qo‘llab-quvvatlash bo‘yicha individual yondashuv asosida ishlar olib borilmoqda

3 nafar xotin-qizlar tadbirkorlik faoliyatiga jalb etilgan bo‘lib, ularning bandligini ta’minlash va daromad manbaini kengaytirish bo‘yicha amaliy ko‘mak berilgan

📌 Olib borilgan tizimli targ‘ibot va profilaktik ishlar natijasida:

Notinch oilalar aniqlanmagan

Ajrim yoqasidagi oilalar mavjud emas

Himoya orderi berilgan holatlar qayd etilmagan

Profilaktik hisobda yoki probatsiya nazoratida bo‘lgan xotin-qizlar aniqlanmagan

💬 Ta’kidlash joizki, hududda xotin-qizlar bilan ishlashda “mahalla yettiligi” hamkorligida manzilli va tizimli yondashuv yo‘lga qo‘yilgan bo‘lib, har bir murojaat va muammo individual tartibda o‘rganilib, ijobiy yechimlar topilmoqda.

🤝 Amalga oshirilayotgan ishlar natijasida xotin-qizlarning jamiyatdagi faolligi ortib borayotgani, oilalarda sog‘lom ijtimoiy-ma’naviy muhit shakllanayotgani hamda huquqbuzarliklarning oldi olinayotgani kuzatilmoqda.

✅ Kelgusida ham xotin-qizlarni har tomonlama qo‘llab-quvvatlash, ularning bandligini oshirish, tadbirkorlikka keng jalb etish hamda ijtimoiy muammolarni manzilli hal etish bo‘yicha ishlar izchil davom ettiriladi.