«Деҳқонобод» маҳалласида аҳоли бандлиги ва даромад манбаларини яратиш масалалари ўрганилди
Бугун Халқ депутатлари Янгиқўрғон тумани Кенгаши депутати, туман ҳокими Асадулла Нажмиддинов «Деҳқонобод» маҳалласида бўлиб, маҳалла еттилиги билан биргаликда ижтимоий реестрга киритилган фуқароларнинг бандлигини таъминлаш ва доимий даромад манбаларини яратиш масалаларини ўрганди.
Хонадонбай ўрганишлар давомида аҳолининг тадбиркорлик ташаббуслари, касб-ҳунарга қизиқиши ҳамда мавжуд имкониятларига эътибор қаратилди. Фуқаролар билан мулоқотларда ўз фаолиятини йўлга қўйиш ва оила даромадини оширишга доир таклифлар муҳокама қилинди.
Тадбиркорлик, чорвачилик ва паррандачиликни ривожлантириш истагида бўлган хонадон эгаларига имтиёзли кредитлар олиш ҳамда фаолиятини бошлаш ва кенгайтиришда амалий кўмак кўрсатиш юзасидан масъулларга тегишли кўрсатмалар берилди.
Мазкур ўрганишдан кўзланган мақсад — фуқароларнинг ташаббусларини қўллаб-қувватлаш, ҳар бир оила учун барқарор даромад манбаини яратиш ва аҳоли фаровонлигини ошириш.