УЙЧИНИНГ ТУРИСТИК САЛОҲИЯТИ — ЯНГИ ИМКОНИЯТЛАР МАНБАИ

Уйчи туманида табиат неъматларидан оқилона фойдаланиш, ҳудуднинг туристик салоҳиятини юксалтириш ва аҳоли учун янги даромад манбаларини яратиш борасидаги амалий ишлар изчил давом этмоқда.

Бўстон маҳалласи ҳудудидан оқиб ўтувчи Норин дарёси бўйлари бугун нафақат бетакрор табиат маскани, балки туризмни ривожлантириш учун катта имкониятлар манбаи сифатида намоён бўлмоқда.

Шу мақсадда дарё бўйида туризм йўналишида янги лойиҳаларни амалга ошириш учун мос ер майдонлари жойига чиққан ҳолда ўрганилди.

Ўрганиш жараёнида Халқ депутатлари Уйчи туман Кенгаши депутаи, туман хокими ва ишчи гуруҳи аъзолари  Норин дарёси бўйида сайёҳлар учун замонавий дам олиш масканлари ва туризм объектларини ташкил этиш, мавжуд табиий имкониятлардан самарали фойдаланиш ҳамда янги лойиҳаларни ҳаётга татбиқ этиш масалаларини муҳокама қилдилар.

Бу лойиҳаларнинг амалга оширилиши ҳудудга сайёҳлар оқимини кўпайтириш билан бир қаторда, янги иш ўринлари, қўшимча даромад манбалари ва аҳоли учун янги имкониятлар яратиши кутилмоқда.

🌱 Нориннинг мовий тўлқинлари бўйида туризм ривожланса, табиат гўзаллиги иқтисодий имкониятга, имконият эса аҳоли фаровонлигига айланади.