ХАЛҚ ДЕПУТАТЛАРИ УЙЧИ ТУМАНИ КЕНГАШИНИНГ НАВБАТДАГИ XXVI СЕССИЯСИ БЎЛИБ ЎТДИ.

Сессия кун тартибидаги биринчи масала — 2026 йил биринчи ярим йиллиги якунлари бўйича амалга оширилган ишлар юзасидан туман ҳокимининг қурилиш, тўсиқларсиз муҳит яратиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари — туман ободонлаштириш бошқармаси бошлиғи А. Ғофуровнинг ҳисоботи эшитилди.
Ҳисоботда ҳисобот даврида туманда қурилиш ва ободонлаштириш, коммунал хўжалик, муҳандислик-коммуникация тармоқларини яхшилаш, экологик ҳолатни барқарорлаштириш ҳамда ҳудудларни кўкаламзорлаштириш борасида амалга оширилган ишлар ҳақида маълумотлар берилди.
Сессия давомида депутатлар томонидан ҳисобот юзасидан фикр-мулоҳазалар билдирилиб, соҳада амалга оширилаётган ишлар, мавжуд муаммолар ва уларнинг ечимлари бўйича қатор саволлар берилди.
Шунингдек, депутатлар томонидан ҳудудларни янада ободонлаштириш, аҳоли учун қулай ва тўсиқларсиз муҳит яратиш, коммунал хизматлар сифатини ошириш ҳамда экологик ҳолатни яхшилашга қаратилган таклифлар билдирилди.
Сессия якунида билдирилган фикр ва таклифлар асосида тегишли чора-тадбирларни амалга ошириш масалалари муҳокама қилинди.