Tabiatdan foydalanish sohasida davlat xizmatlari o‘rganiladi

Xalq deputatlari Pastdarg‘om tumani Kengashining Agrar, suv xo‘jaligi va ekologiya masalalari bo‘yicha doimiy komissiyasi tomonidan 2026-yil 2-oktabr kuni tabiatdan foydalanish sohasida davlat xizmatlari ko‘rsatilishining holati, qonuniyligi va shaffofligini o‘rganish yuzasidan DKQ 03-04/154-26-son qaror qabul qilindi.

🔎 Qaror asosida tumanda tabiatdan foydalanish sohasidagi davlat xizmatlari, jumladan:
🌳 davlat o‘rmon fondiga kirmaydigan daraxt va butalarni kesishga ruxsat berish;
🌱 o‘simlik dunyosi obyektlaridan maxsus foydalanishga ruxsatnomalar;
💧 suvdan maxsus foydalanish yoki maxsus iste’mol qilishga ruxsat berish;
📄 arizalarni qabul qilish va ko‘rib chiqish tartibi;
⏱️ davlat xizmatlarini ko‘rsatish muddatlariga rioya etilishi;
⚖️ ruxsatnoma berish yoki rad etish asoslarining qonuniyligi;
💻 elektron davlat xizmatlaridan foydalanish va shaffoflikni ta’minlash holatlari o‘rganiladi.
👥 O‘rganishlarni amalga oshirish uchun ishchi guruh tuziladi. Ishchi guruh tomonidan tegishli tashkilotlardan zarur hujjat va ma’lumotlar olinib, berilgan ruxsatnomalar, rad etilgan arizalar hamda fuqarolar va tadbirkorlik subyektlarining murojaatlari tahlil qilinadi.
📋 Shuningdek, o‘rganishlar maxsus savolnoma asosida olib borilib, zarur hollarda masalalar joyiga chiqqan holda o‘rganiladi.
⚠️ Tabiat obyektlaridan ruxsatsiz foydalanish, daraxtlarni noqonuniy kesish va suv resurslaridan ruxsatsiz foydalanish holatlarining oldini olish bo‘yicha amalga oshirilayotgan ishlar ham deputatlik nazorati doirasida ko‘rib chiqiladi.
🤝 O‘rganish yakunlari bo‘yicha aniqlangan muammo va kamchiliklarni bartaraf etish yuzasidan tegishli takliflar ishlab chiqilib, zaruratga ko‘ra mas’ul tashkilotlarga deputatlik so‘rovlari kiritiladi.

📌 Mazkur ishlar tabiatdan foydalanish sohasida davlat xizmatlarining qonuniy, ochiq va shaffof ko‘rsatilishini ta’minlash hamda tabiiy resurslardan oqilona foydalanish ustidan deputatlik nazoratini kuchaytirishga qaratilgan.