24-MUSTAQILLIK SAYLOV OKRUGI DEPUTATI SAYLOVCHILARI BILAN UCHRASHDI
24-Mustaqillik saylov okrugi deputati A. Parpiyev tomonidan saylovchilar bilan navbatdagi uchrashuv o‘tkazildi.

Uchrashuv davomida deputat tomonidan hududdagi aholini qiynab kelayotgan masalalar, fuqarolarning murojaatlari, taklif va mulohazalari atroflicha tinglandi. Saylovchilar o‘zlarini qiziqtirayotgan hamda kundalik hayotida duch kelayotgan muammolar yuzasidan murojaat qilib, ularning yechimi bo‘yicha amaliy yordam so‘radilar.

Muloqot jarayonida obodonlashtirish, yo‘l va infratuzilma, hududdagi mavjud muammolarni bartaraf etish, aholi uchun qulay shart-sharoitlar yaratish kabi masalalarga alohida e’tibor qaratildi.

Deputat A. Parpiyev tomonidan har bir murojaat diqqat bilan o‘rganilib, fuqarolarga tegishli tushuntirishlar berildi. Yechimi deputat vakolatiga kiruvchi masalalar bo‘yicha zarur choralarni ko‘rish, qo‘shimcha o‘rganish talab etiladigan murojaatlarni esa tegishli tashkilotlar bilan hamkorlikda ko‘rib chiqish belgilandi.

Shuningdek, uchrashuv davomida saylovchilarning taklif va tashabbuslari ham o‘rganilib, kelgusida hududda amalga oshiriladigan ishlarni rejalashtirishda ularning fikrlarini inobatga olish muhimligi ta’kidlandi.

Saylovchilar bilan ochiq va bevosita muloqotlar deputatlik faoliyatining muhim yo‘nalishlaridan biri bo‘lib, bunday uchrashuvlar orqali fuqarolarni qiynayotgan masalalarni o‘rganish, ularning murojaatlariga amaliy yechim topish va aholi bilan muntazam aloqani yo‘lga qo‘yish imkoniyati yaratilmoqda.