АЁЛЛАР ДАФТАРИ»ДАГИ ФУҚАРОГА СУБСИДИЯ АСОСИДА ТИКУВ МАШИНАСИ БЕРИЛДИ

Эҳтиёжманд хотин-қизларни касб-ҳунарга жалб этиш, уларнинг бандлигини таъминлаш ва мустақил даромад топишига кўмаклашиш оилавий фаровонликни таъминлашда муҳим аҳамият касб этади.

Уйчи туман Кенгаши депутати Моҳира Холмирзаева томонидан 23-“Эзгулик” сайлов округида истиқомат қилувчи оғир ижтимоий аҳволдаги оилага амалий ёрдам кўрсатилди.

Жумладан, “Аёллар дафтари”да рўйхатда турувчи, боқувчисини йўқотган ва вояга етмаган фарзандлари бор фуқарога тикувчилик билан шуғулланиши учун субсидия асосида тикув машинаси олиб берилди.

Мазкур кўмак фақатгина зарур ускуна билан таъминлаш билан чекланиб қолмасдан, хотин-қизнинг уй шароитида меҳнат қилиши, барқарор даромад манбаини шакллантириши ва келгусида ўз фаолиятини кенгайтириши учун имконият яратади.

Натижада муҳтож аёл тикувчилик орқали ўз меҳнати билан даромад топиш, оиласининг моддий таъминотини яхшилаш ва фарзандларини қўллаб-қувватлаш имкониятига эга бўлди.

Бундай амалий ташаббуслар эҳтиёжманд хотин-қизларни қўллаб-қувватлаш, уларни касб-ҳунарга йўналтириш ҳамда оилаларнинг даромад манбаини мустаҳкамлашга хизмат қилади.