#Komissiya_nazorati #haftalik_ish_reja_doirasida #Open_byudjet #ekspert_guruhlari

328-SONLI DMTTDA TA’MIRLASH ISHLARI DEPUTATLIK NAZORATIDA

💹 2026-yil “Tashabbusli byudjet” jarayonining I mavsumida g‘olib bo‘lgan loyiha doirasida 328-sonli davlat maktabgacha ta’lim tashkilotida olib borilayotgan ta’mirlash ishlari joyiga chiqqan holda o‘rganildi.

⚙️ Loyiha doirasida binoning eshik va deraza romlarini yangilash, podokonnoklar o‘rnatish, shuningdek, eshik va deraza romlari o‘rnatilgandan so‘ng atkos qismlarini ta’mirlash, tashqi va ichki sovuq suv hamda oqova suv kommunikatsiya tarmoqlarini ta’mirlash, binoning issiqlik tizimini ta’mirlash ishlari amalga oshirilmoqda.

🕯 O‘rganish davomida bajarilayotgan ishlarning sifati, loyiha talablariga muvofiqligi hamda ta’mirlash jarayonining belgilangan muddatlarda olib borilayotgani ko‘rib chiqildi. Xususan, sovuq suv tizimini binoga olib kirish bo‘yicha zarur tavsiya va ko‘rsatmalar berildi.

📈 Shuningdek, ta’mirlash ishlarini jadallashtirish, aniqlangan kamchiliklarni bartaraf etish hamda barcha ishlarni sifatli yakunlash yuzasidan mas’ullarga tegishli topshiriqlar berildi. Binodagi ta’mirlash ishlarini 1-oktabrga qadar to‘liq yakunlash choralarini ko‘rish belgilandi.

💼 Mazkur o‘rganishda xalq deputatlari Uchtepa tumani Kengashi raisi Jafar Ismanov boshchiligida, Kengash kotibiyati mudiri Anvar Usmanov, kotibiyat bosh mutaxassisi Zarnigor Kuziyeva hamda ekspert guruhi a'zolari ishtirok etdi.