Xalq deputatlari Sharof Rashidov tuman Kengashi deputati M.Pardayeva tomonidan Ravalliq mahallasi raisi bilan birgalikda hududdagi fuqarolarning murojaatlari va mavjud ijtimoiy muammolarini o‘rganish maqsadida fuqarolar qabuli tashkil etildi.
O‘rganish davomida aholi tomonidan bildirilgan murojaat va takliflar, xususan, ichki yo‘llarning holatini yaxshilash, obodonlashtirish hamda boshqa ijtimoiy masalalar yuzasidan fikr-mulohazalar tinglandi.
Aniqlangan muammolarni birgalikda hal etish bo‘yicha tegishli chora-tadbirlar belgilab olindi. Deputat tomonidan murojaatlarni hal etishda zaruratga ko‘ra deputatlik so‘rovlari yuborish hamda masalalarning ijobiy yechimini ta’minlashga ko‘maklashish va ularning ijrosini nazoratga olishga tayyor ekanligi bildirildi.