Bandixon tumanida deputatlik nazorati: “Bag‘rikeng” mahallasida aholi bandligi va tadbirkorlik masalalari o‘rganildi

✅Bandixon tumanida aholi turmush farovonligini yuksaltirish, yangi ish o‘rinlari yaratish, fuqarolarning tadbirkorlik tashabbuslarini rag‘batlantirish hamda sohaga oid qonunchilik hujjatlarining amaldagi ijrosini ta’minlash borasida tizimli deputatlik nazorati olib borilmoqda.

✅Xalq deputatlari Bandixon tumani Kengashiga 11-Bag'rikeng saylov okrugidan saylangan deputat J.Abdinazarov hamda tuman Kengashi kotibiyati bosh mutaxassisi B.Qurbonovlar “Bag‘rikeng” mahalla fuqarolar yig‘inida bo‘ldilar.

✅O‘rganishlar deputatlik faoliyatining “Eng muhim 24 ta yo‘nalishi” hamda O‘zbekiston Respublikasining “Oilaviy tadbirkorlik to‘g‘risida”gi O‘RQ-327-sonli Qonuni ijrosi doirasida tashkil etildi. Tadbir davomida Hokim yordamchisining aholi bandligini ta’minlash, kambag‘allikni qisqartirish, ajratilayotgan imtiyozli kreditlarning manzilliligi hamda yangi biznes sub’ektlarini qo‘llab-quvvatlash bo‘yicha amalga oshirgan ishlari tahlil qilindi.

✅Shuningdek, deputatlar mahalla aholisi bilan uchrashib, ularning tadbirkorlik borasidagi taklif va murojaatlarini tingladilar.

✅Tashrif yakunida mahalladagi ichki imkoniyatlardan unumli foydalanish va daromad manbalarini ko‘paytirish yuzasidan mas’ullarga tegishli vazifalar yuklatildi.