Xalq deputatlari Arnasoy tuman Kengashi deputati I. Abloqulov tomonidan O‘zbekiston Respublikasining 2020-yil 23-sentyabrdagi “Ta’lim to‘g‘risida”gi O‘RQ–637-son Qonuni ijrosi yuzasidan o‘z saylov okrugida joylashgan 15-sonli umumiy o‘rta ta’lim maktabida o‘rganish ishlari olib borildi.

🔎 Navbatdagi o‘rganish davomida maktabda o‘quvchilarning sifatli va zamonaviy ta’lim olishi uchun yaratilgan shart-sharoitlar, ta’lim jarayonining tashkil etilishi hamda muassasaning moddiy-texnik bazasi atroflicha ko‘zdan kechirildi.

📚 Shuningdek, o‘quv xonalari, mavjud jihozlar va o‘quvchilar uchun yaratilgan imkoniyatlarning amaldagi holati o‘rganilib, ta’lim sifatini yanada oshirish, o‘quvchilarning bilim olishi uchun qulay muhit yaratish bilan bog‘liq masalalarga e’tibor qaratildi.

📌 O‘rganish davomida aniqlangan masalalar yuzasidan tegishli xulosa va takliflar shakllantirilib, mavjud muammolarni bartaraf etish hamda ta’lim muassasasida yaratilgan shart-sharoitlarni yanada yaxshilash bo‘yicha tegishli choralarni ko‘rish belgilandi.