Yangi O‘zbekiston qiyofasini har bir mahallada barpo etish, aholi farovonligini oshirish va kambag‘allikni qisqartirish borasidagi amaliy ishlar davom etmoqda.

Davlatimiz rahbari raisligida o‘tkazilgan videoselektor yig‘ilishida belgilangan vazifalar ijrosini ta’minlash maqsadida xalq deputatlari Termiz shahar Kengashi raisi, 9-“Abdulla Avloniy” saylov okrugi deputati D.Normuradova hamda Kotibiyat bosh mutaxassisi A.Temirov mahalla faollari bilan uchrashdi.

Muloqotda aholi bandligini oshirish, yangi daromad manbalarini yaratish, ishsiz fuqarolarni ishga joylashtirish va kambag‘allikni qisqartirish borasida amalga oshirilayotgan ishlar muhokama qilindi.

Shuningdek, xonadonlar kesimida muammolarni aniqlash, mavjud imkoniyatlardan samarali foydalanish va har bir oilani kambag‘allikdan chiqarish bo‘yicha manzilli va amaliy choralarni kuchaytirish zarurligi ta’kidlandi.

Aniqlangan masalalar deputatlik nazoratiga olinib, mahallada bandlik va farovonlikni ta’minlash bo‘yicha ishlarni yanada jadallashtirish belgilandi.

Maqsad — har bir xonadon farovonligi, har bir fuqaroning munosib daromadi va mahallaning barqaror rivoji!