#Sessiya_oldi_o'rganish
📌 SESSIYA KUN TARTIBIDAGI MASALA YUZASIDAN SUHBAT O‘TKAZILDI

Xalq deputatlari Sherobod tumani Kengashi kotibiyati mudiri O. Tursunov tomonidan Xalq deputatlari Sherobod tumani Kengashining navbatdagi sessiyasi kun tartibiga kiritilgan masala yuzasidan Sherobod tuman hokimligi Qishloq va suv xo‘jaligi kotibiyati bosh mutaxassisi M. Orolova bilan suhbat o‘tkazildi.

Suhbat davomida O‘zbekiston Respublikasi Prezidentining 2024-yil 5-yanvardagi “Quyi bo‘g‘inda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari to‘g‘risida”gi PQ-5-son qarori 7-bandiga muvofiq, har yili 1-oktabrga qadar kuz-qish davri uchun yakuniy iste’molchilar kesimida ekinlarni sug‘orish uchun suv olish limitlarini tasdiqlash masalasi muhokama qilindi.

Shuningdek, kuz-qish davrida ekinlarni sug‘orish uchun suv olish limitlarini belgilash va tasdiqlash, suv resurslaridan oqilona hamda samarali foydalanish bilan bog‘liq masalalar yuzasidan fikr almashildi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube