Xalq deputatlari Andijon shahar Kengashi deputati Gulnoraxon Ismailova tomonidan yoshlarni ma’naviy barkamol, vatanparvar va yuksak axloqiy fazilatlarga ega insonlar etib tarbiyalash, ularning kitobxonlik madaniyatini oshirish maqsadida Andijon davlat tibbiyot oliygohi talabalari bilan “Yuksak ma’naviyat — yengilmas kuch” mavzusida davra suhbati o‘tkazildi.

Suhbat davomida ma’naviyatning inson hayotidagi o‘rni, kitob va mutolaaning yoshlar dunyoqarashini boyitishdagi ahamiyati, milliy qadriyat va an’analarga hurmat, Vatanga sadoqat hamda jamiyat oldidagi mas’uliyat kabi masalalar yuzasidan fikr almashildi.

Tadbir davomida talabalar o‘zlarini qiziqtirgan savollar bilan ishtirok etib, yoshlar tarbiyasi, kitobxonlik va ma’naviy-ma’rifiy masalalar bo‘yicha fikr-mulohazalarini bildirdilar.

Yakunda yoshlarni bo‘sh vaqtlarini mazmunli o‘tkazish, milliy qadriyatlarimizni asrab-avaylash, ularga hurmat bilan munosabatda bo‘lish tushuntirildi.