Xalq deputatlari Sharof Rashidov tuman Kengashi deputati E.Mirzayeva tomonidan Ziyokor mahallasida mahalla yettiligi bilan hamkorlikda fuqarolar uchun sayyor qabul tashkil etildi.

Qabul jarayonida aholi vakillari bilan yuzma-yuz muloqot qilinib, ularning murojaatlari, taklif va muammolari tinglandi. Jumladan, elektr energiyasi va tabiiy gaz ta’minoti, ichki yo‘llarning holatini yaxshilash, hududlarni obodonlashtirish hamda boshqa kommunal masalalar bilan bog‘liq muammolar o‘rganib chiqildi.

Fuqarolar tomonidan bildirilgan har bir murojaat mas’ullar ishtirokida atroflicha muhokama qilinib, mavjud muammolarni ijobiy hal etish yuzasidan tegishli chora-tadbirlar belgilandi. Murojaatlarni vakolatli mutasaddi tashkilotlarga yo‘naltirish hamda ularning ijrosini deputatlik nazorati asosida kuzatib borish ko‘zda tutildi.