Xalq deputatlari Oltinsoy tumani Kengashining 20-“Sayrak” saylov okrugidan saylangan deputati Egamberdiyev Abror Ergashovich tomonidan “Sayrak” mahallasi hududida joylashgan 60-sonli oilaviy poliklinikaning kuz-qish mavsumiga tayyorgarlik holati va isitish tizimi bevosita joyiga chiqib o‘rganildi.

O‘rganish jarayonida ushbu tibbiyot muassasasida foydalanib kelinayotgan isitish qozonlari yaroqsiz holatga kelib qolgani, bu esa kelgusi kuz-qish mavsumida binoni me’yorida isitish va aholiga sifatli tibbiy xizmat ko‘rsatishda qiyinchiliklar tug‘dirishi aniqlandi.

Shu munosabat bilan deputat A.Egamberdiyev tomonidan Oltinsoy tumani hokimining o‘rinbosari T.Chorshanbiyevga rasmiy deputat so‘rovi yuborildi.

Deputat so‘rovida quyidagi masalalar ilgari surildi:
60-sonli oilaviy poliklinikani kuz-qish mavsumiga puxta tayyorlash;

Yaroqsiz holatga kelgan isitish qozonlarini yangisiga almashtirish va yangi isitish qozonini o‘rnatish;

Kuz-qish mavsumida muassasada issiqlik tizimining barqaror va uzluksiz ishlashini ta’minlash.

Mazkur masalaning ijobiy hal etilishi deputatlik nazoratiga olindi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz