#Kengash_raisi_faoliyati #Ekspert_guruhi_faoliyati #biriktirilgan_tashkilot #162_ta_Qonun
#deputat_faoliyati #kotibiyat_xodimi_faoliyati

Deputatga biriktirilgan tashkilot bilan hamkorlikdagi masalalar muhokama qilindi

Xalq deputatlari Qiziriq tumani Kengashi raisi J.Xudoyqulova, tuman Kengashi huzuridagi Ekspert guruhi raisi o‘rinbosari Y.Umbarov hamda tuman Kengashi kotibiyati bosh mutaxassisi J.Donayev “Qiziriqtumangaz” gaz ta’minoti bo‘limida bo‘lib, deputatga biriktirilgan tashkilot bilan ishlash yo‘nalishi doirasida hamkorlikdagi masalalarni muhokama qildilar.

Shuningdek, O‘zbekiston Respublikasining 2024-yil 7-avgustdagi O‘RQ-940-son “Energiyani tejash, undan oqilona foydalanish va energiya samaradorligini oshirish to‘g‘risida”gi Qonuni ijrosi yuzasidan tayyorlangan savolnoma asosida o‘rganish ishlari olib borildi.

O‘rganish davomida energiya resurslaridan oqilona va samarali foydalanish, tabiiy gaz sarfini me’yorlashtirish, energiya tejamkor texnologiyalardan foydalanish, mavjud gaz tarmoqlari va uskunalarining texnik holati hamda energiya samaradorligini oshirish borasida amalga oshirilayotgan ishlar ko‘rib chiqildi.

Aniqlangan masalalar yuzasidan mas’ullarning fikrlari tinglanib, mavjud kamchiliklarni bartaraf etish va ish samaradorligini oshirish bo‘yicha tegishli taklif va tavsiyalar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram