Xalq deputatlari Oltinsoy tumani Kengashining 17-“Shakarqamish” saylov okrugi deputati Tavasharov Xamro Ziyayevich boshchiligida “Shakarqamish” mahallasida o‘rganish va muloqot tadbirlari o‘tkazildi.

Tadbir davomida mahallani “Yangi O‘zbekiston qiyofasi” dasturi doirasida obodonlashtirish, infratuzilmani yaxshilash hamda belgilangan 24 ta tavsiya ijrosini ta’minlash masalalariga alohida e’tibor qaratildi.

O‘rganishlar doirasida quyidagi ishlar amalga oshirildi:

MFY faoliyati va hujjatlar tahlili: Mahalla fuqarolar yig‘ini binosida MFY faollari va mas’ullar ishtirokida uchrashuv o‘tkazilib, fuqarolar murojaatlari daftari va belgilangan topshiriqlar ijrosi ko‘rib chiqildi.

Aholi bilan yuzma-yuz muloqot: Deputat va mas’ullar xonadonma-xonadon yurib, aholining yashash sharoitlari, taklif va muammolarini joyida o‘rgandilar.

Muloqotlar davomida ko‘tarilgan dolzarb masalalarni hal etish hamda mahalla infratuzilmasini yanada yaxshilash bo‘yicha tegishli chora-tadbirlar belgilab olindi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz